Ang AkingTalambuhay ni : Lily Rose Ferrer

Isang araw sa lugar ng San Antonio 1,San Pablo City ay may nakatirang nagngangalang Lily (ang aking ina) tuwing sabado at linggo pag walang pasok ay tinutulungan niya ang kanyang ina na magtinda ng lansones,hanggang sa isang araw ay may bumili ng lansones na nagngangalang Abner (ang aking ama) sa una nilang pagkikita ay nagkaroon ng pagtingin si Abner kay Lily at ganon din naman siya.Hindi nagtagal ay niligawan ni Abner si Lily at sinagot naman niya ito.Lumipas ang ilang taon ay nagdesisyon ang dalawa na magpakasal.Naging matatag ang kanilang samahan at nagkaroon ng bunga ang kanilang pagmamahalan.ang panganay na si Albert Ferrer (ang aking kuya)pinanganak siya noong Agosto,8,1993.Naging masaya ang aking mga magulang dahil sa kanilang naging unang anak..Lumipas naman ang dalawang taon ay sinundan ito at babae naman ang naging pangalawang anak at ito ay ako si Lily Rose Ferrer ang pangalan ko ay sinunod sa pangalan ng aking ina pinanganak ako noong Pebrero,19,1995 sa San Antonio 1,San Pablo City.at ang aking kapatid na bunso na si Jan Alfon Ferrer pinanganak siya noong Oktubre,15,1996.

Ako ay pinalaki ng aking ina na mayroong takot sa Diyos at gumagalang sa nakakatanda.Sila rin ang naging unang guro ko sapagkat tinuruan niya ako kung paano ang magsulat at magbasa.Ang lagi sa aking sinasabi ng aing ina ay dapat akong makisalamuha sa iba upang ako ay magkaroon ng maraming kaibigan na masasandigan sa tuwing ako ay may problema.Ako ay inienrol ng aking ina sa Central School upang doon pumasok ng kinder ngunit,ako ay hindi tinanggap sapagkat ang sabi ng mga guro ng naturang Paaralan ay puno na ang bawat pangkat ng paaralan kaya nagdesisyon ang aking magulang na ilipat na lang ako ng Paaralan at ito ay sa San Antonio 1,Elementary School at doon ako pumasok ng kinder,Grade 1 hanggang Grade 6.

Marami akong naging karanasan sa Paaralang ito dahil dito ako unang natuto kung paano makisama sa ibang tao naging masaya ako sapagkat lahat ng kaklase ko ay kasundo ko.Nang ako ay tumungtong ng Grade 1ay sinanay na kaming tatlong magkakaibigan ng aming guro na si Mrs.Alcantara upang magsayaw ng doxology sapagkat tuwing mayroong programa sa aming Paaralan ay kaming tatlo ay sumasayaw ng doxology at ito ang sumisimbolo ng dasal ng naturang programa nakasanayan na ng lahat sa aming paaralan na tawagin kaming tatlo na “Tatlong Maria” sapagkat kami ay laging magkakasama kahit saan magpunta..Ang mga kaibigan kong ito ay sina Edlyn at Abegail.Lagi kaming masaya dahil ang aming mga ina ay lagi ring magkakasama at magkakasundo.Ako ay laging ipinanglalaban ng aming pangkat at ang aking kapareha ay sina Charl o kaya ay si Kevin.Aking naalala noong ako ay Grade 2 ay may oras at araw na ako ay tinatamad pumasok at ako ay umuuwi sa aming bahay at madadatnan ko doon ang aking ina na galit na galit sa akin at ako noon ay napunta sa bahay ng aking lola pero aking napag-isip noon na dapat hindi ko sinasayang ang pagkakataon upang ako ay makapag-aral.Nang ako ay dumating ng Grade 3 doon ako nag-umpisang sumama sa mga activity ng mga Girls Scout napakasaya ng mga araw na iyon dahil ang ganda ng pinuntahan naming lugar at ito ay sa Callerai.At noong Oktubre 16,2003 naman ay ang kauna-unahang sama ko sa Girls Scout Camping ang dami kong nakilalang galing sa iba’t ibang paaralan at noong ako ay Grade 4 naman ay unang pasukan noon at hindi ako nakapasok ng isang linggo dahil namatay ang aking lola noong June 11,2004 hinding hindi ko siya makakalimutan dahil sa tuwing ako ay pinapagalitan ng aking ina ay kay lola ako pumupunta at nasanay ako na tuwing umaawas ako ng hapon ay sa bahay agad ni lola ako napunta at humahalik ako sa kanya at tuwing makikita niya ako na maagang maaga na nakahalumbaba ay tinatapik niya ang aking kamay at noong ako naman ay Grade 5 ang hinding hindi ko malilimutan ay ng ako ay pinagalitan ng aking guro na si Mrs.Mercado dahil may bisita kami ay ako ay biglang napasigaw sapagkat hinagisan ako ng kaklase ko ng ipis ayon pala ay isa lamang itong laruan sobrang nainis ako sa kanya pero humingi naman siya ng paumanhin sa akin.At noong ako ay Grade 6 ay sumali ako sa volleyball at naging player naman ako noon marami akong natutunan sa karanasang iyon.Ang hindi ko rin malilimutang karanasan noong ako ay Grade 6 , Feb.15,2006 dahil lumaban ako ng Miss Valentine sapagkat nang ako ay rumampa na sa intablado suot ang aking mahabang saya ay hindi ako makababa sa hagdan sapagkat ang haba nga ng saya kong iyon naisipan ko na lang na sipain ito at hindi ko akalain na pagtatawanan ako ng mga manonood at hurado pero ayos lang sa akin dahil isa iyon sa mga karanasan ko .

Nang dumating kami sa araw ng graduation day ay hindi namin napigilang umiyak dahil magkakahiwalay na kaming lahat.At lalo kaming napaiyak ng kantahin na naming ang YOU RAISE ME UP.At hindi ko rin akalain na hahalikan ako ng aking adviser noong grade 5 na si Mrs. Mercado nagulat ako noon at syempre nagpasalamat na din ako sa kanya.Nang magbakasyon kami ay nagset ang aming guro ng swimming at ito naman ay natuloy.At pagkatapos noon ay naisipan ng pinsan ko na si ate khaycie na magtinda ng halo-halo para kahit walang pasok ay magkaroon kami ng pera.At sa loob ng dalawang buwan ay maayos naman ang takbo ng aming pagtitinda at kumita naman kami ng malaking pera.Nang sumapit ang unang araw ng enrollment sa Paaralang Dizon High ay hindi ako natanggap sapagkat mayroon naman daw Paaralan ng San Vicente na mas malapit sa amin.Hindi ako noon nawalan ng pag-asa kaya humingi nalang kami ng aking ina ng tulong kay ate janeth pinsan ko na isa sa mga guro ng Paaralang Dizon High,dahil sa tulong nya nakapasok ako sa gusto kong paaralan.Ang naging section ko ay 1-F at ang aking naging ay si Mrs.Tolentino naging maganda at maayos ang takbo ng aking pag-aaral dahil sa first year lang ako noon ay takot pa ako sa mga guro.Nakaaway ko noon si jhaymille na ngayon naman ay super mag-bestfriend na kami.

At nang second year na ako ang naging section ko din noon ay 2-F at ang aking guro ay si Mrs.Delos Angeles,napakabait niya dahil noong pirmahan ng clearance ay binilang niya kung ilan ang lista namin sa maiingay at ganoon din kadaming floorwax ang dadalhin namin sa kanya bilang katumbas nito.Ang turingan naming lahat noon ay magkakapatid lahat sobrang close sa isat-isa kahit ang mga lalaki.Lagi sa aming galit ang guro namin dahil sobrang kulit at ingay pa namin,pero si Mr.Ang ay tuwang-tuwa sa amin at ganoon din naman kami sa kanya dahil tuwing biyernes ay nagpapakanta siya upang mahasa pa ang aming talento.Minsan pa kapag magbibigay siya ng pagsusulit lagi naman siyang tulog kaya hindi niya kami masisisi kung kami ay maggayahan.Tuwing awasan namin sa hapon ay minsan hindi muna kami nauwi dahil natambay pa kami sa oval at lagi din kami noon nag-eensayo ng Florante at Laura,dahil lalaban ang section namin.Nag-eenjoy kami sa bawat ginagawa namin at nang sumapit na ang araw ng labanan ay hindi kami nanalo pero kahit ganun naging masaya kaming lahat dahil isa itong karanasan para sa aming mag-aaral.

Nang malapit na ang bakasyon ay nagusap-usap kaming magkakaklase na mag swimming,madami ang nakasama noon ang saya-saya sobra lalo na ng magkainan na ang sarap ng luto ng gulay na langka at pritong isda lahat kami noon ay nag-enjoy ng sobra.At ng sumapit na ang bakasyon ay nagusap-usap naman ang mga pinsan ko na mag-night swimming sa Tierra De Oro sobrang lapit lang nito sa amin kami ni ate khaycie ay sumama kahit wala kaming pera,pero hindi kami natiis ng pinsan ko kaya sila nalang ang sumagot ng entrance namin at hindi lang isang beses iyon ito ay naulit pa ng maraming beses sobrang saya noon dahil halos gabi-gabi kaming nag swimming at walang sawaan at ito ay libre lang sa amin.At nang ako ay third year na ang section ko noon ay 3-F at kami pa rin ang magkakaklase mayroon lang ibang nadagdag at ang iba ay tumaas.Masasabi ko na ngayong third year ang pinaka-masayang karanasan para sa akin,dahil sa sobrang saya puro kalokohan pero syempre hindi naming pinababayaan ang aming pag-aaral.At ang lagi naming tambayan ay ang koridor kaya ang tawag sa amin ng aming guro na si Mrs.Deomano ay “Koridor Girls”.Hinding-hindi ko din makakalimutan ang paghuli sa amin ng isang guro nung kami ay nasa koridor dahil maaga pa noon kami ay nagbabaraha at naglalaro ng tong-it at sinamsam ang aming baraha at sinabi pang isusumbong kami sa aming guro.

Nang kinahapunan ay pinatawag kaming tatlo si jhamille,meriel at ako,pinapunta kami sa kabilang room kung saan nandoon ang aming adviser at sinabi kailangan pa daw ang aming mga magulang ang dami naming naging dahilan upang hindi matuloy ang pagpapatawag sa aming mga magulang,dahil kinulit namin si Mrs.Deomano pinaglinis nalang kaming tatlo ng room kaya ayon nalang ang naging parusa sa amin.Sobrang saya namin dahil nakaligtas kaming tatlo.Nang sumapit ang araw ng Dec.19,2009 shindig noon at sobrang saya ng lahat dahil lahat kami ay mahilig sa party!At ng araw ding iyon ay nabuo ang samahang ‘‘PARTY PIPZ”.kaya iyon ang naisipan naming ipangalan sa grupo dahil nga kaming lahat ay mahilig sa party. At hindi kami nagsasawa ang gulo-gulo namin may tulakan at sigawan pero kahit ganoon wala naman sa amin ang nasasaktan o kaya ay napipikon.Tuwang-tuwa ang bawat isa dahil magkakasama kami sa kaguluhan kahit ang mga lalaki ay nakikisaya at halos lahat ng 3-F noon ay kasali sa samahang Party Pipz at sa kalokohan at gimik kami ang magkakasama.Nang sumapit ang Feb.20,2010 sabado ay nag swimming ang buong barkada ang saya-saya noon dahil solo namin ang countryside kanya-kanyang tulakan sa pool at mayroon din namang kanta na kanta sa videoke.

At ng mag tanghalian na ay sabay-sabay kaming lahat kumain ang salaw ng kaklase naming lalaki dahil kakain na ay naghahagisan pa ng kanin at si Demet ng 4-G ay puro kanin na ang mukha at may picture pa ito sa facebook ng party pipz..=).haha sobrang saya talaga ng araw na iyon at hinding hindi ko malilimutan ang araw na iyon.Pero bago sumapit ang buwan na iyon ay dumaan muna ang january ang pinakamalungkot na buwan para sa aming pamilya dahil namatay ang aking tiya noong Jan.07,2010.sobrang sakit nito para sa amin sapagkat sobrang bait ng tiya kong iyon.Hindi pa matanggap ng lahat ang pagkawala ng tiya ko ay namatay na din ang pinsan ko nakaisa-isa ko pang inaanak pumanaw siya noong Jan.10,2010.napaka bata pa niya upang mamaalam agad sa mundo siya ay tatlong taon pa lamang pero ganun talaga ang buhay hindi lahat ay nagtatagal sa mundo maigsi lang ang buhay ng bawat tao kaya dapat gawin na ang gustong gawin basta alam mo na ito ay makakabuti sayo at wala kang masasaktan.Pagkatapos noon ay march pa lamang ay sinabi na ang magiging section namin si Ivy,Himor at ako ay napapunta sa 4-D hindi ko iyon matanggap dahil sa aming magkakabarkada kami lang ang nahiwalay at ang barkada naming lahat na lalaki ay sa 4-G,napunta naman ang tatlo sa 4-E at ang iba naman ay nanatili sa 4-F.Hindi namin nagustuhan ang naging resulta ng bawat section namin dahil ang katwiran ng bawat isa sa amin ay fourth year na at isang taon nalang ang aming pagsasamahan ay pinaghiwa-hiwalay pa kami.Pero sa huli ay natanggap din namin dahil wala naman kaming magagawa at kahit ganun ay nagkakasama pa din naman kaming lahat.Nang sumapit ang pasukan ng Fourth year ay nanibago ang lahat at ako ay lagi pa rin sumasama sa barkada.

Nung una ayokong pumasok sa section D dahil wala naman akong kaclose at balak ko noon na lumipat ng section F sapagkat nandoon ang mga barkada ko.Ngunit naisip ko na kailangan kong masanay at makisalamuha sa iba para magkaroon pa ng madaming kaibigan.Hirap akong makisama ng una dahil tingin ko sa kanila ay maarte hehe..Pero hindi rin nagtagal ay nakaclose ko silang lahat lalo na si Jianne,Joana,Zarah,Rica,Diane at Janus pero mababait naman lahat na kaklase ko .Naging masaya ako sa section namin dahil may oras na aral lang talaga minsan naman oras ng pagbubulakbol.Nagset ako ng swimming ng 4-D at sila naman ay nagsisamahan,ang hirap din pala magswimming ng biglaan dahil sa isang araw lang namin iyon pinag-usapan at kinabukasan ay nagswimming na nga kami.Sobrang saya ng araw na iyon pero halos lahat kami ay wala ng pera at wala kaming kakainin sa tanghali kaya naisipan naming mag-ambag ng limang piso pambili ng kanin at ulam na itlog.Kaawa-awa kaming lahat noon,pero ayon ay naging karanasan para sa aming magkakaibigan.

At noong pauwi na kami ay bahagyang umulan at naglakad lang kami sapagkat wala na kaming pera.Enjoy naman ang araw na iyon dahil hindi kami lahat makaliban pagkat sobrang putik at may dumi pa ng kalabaw kaya ang iba naming kasama ay umakyat nalang sa bakod makaliban lamang at puro babae pa ang umakyat haha!ang tinawag naming sa kanila ay “Akyat Bakod Girls” si Rica,Janus at ako ay binuhat naman para makaliban sa putik.Noong Jan.12,2011 ay nagkaroon ulit ako ng barkada ito ay ang “Best of the best”dahil lahat kami ay magkakaibigan dito ko masasabi na tunay silang lahat dahil kapag may problema ang isa ay tinutulungan namin ito at ang turingan namin sa isat-isa ay magkakapatid.Ang samahang Party Pipz naman ay unti-unti ng nasisira dahil ang iba ay nagkaka-away na kaya naisipan naming gumawa ng bagong grupo at ito nga ang “Best of the Best”.Mahigit isang buwan pa lamang kaming magkakasama ay hindi kami lahat nag-aaway at pinagkakasunduan namin ang lahat ng bagay dahil sa barkadang ito ay nakilala namin kung sino talaga ang dapat pagkatiwalaan.

Lahat kami ay babae at pito lang kami sa 4-D,isa naman sa 4-E,apat sa 4-F,at isa sa 4-G.Noong Feb.11,2011naman ay hindi na ako pumasok sapagkat araw na naman ito ng JS PROM namin.Ako lang ang nag asikaso sa aking sarili,simple lang ang naging ayos ko nung araw na iyon.Nung nasa Central Gym na kami ay sobrang ganda ng paligid dahil pang Hawaiian talaga ang bawat gayak.Sumayaw ang mga Representative ng bawat section at ganun din ang mga guro.At pagkatapos sumayaw ng mga guro sinabihan ako ni Mr.Vasquez na maging Representative ng aming section at “Hawaiian” ang naging tema ng JS PROM namin.Hindi ko akalain na mananalo ako at nakuha ko pa ang Ms.Hawaiian Tropic.Kinabahan ako nung biglang tawagin ang pangalan ko,dahil hindi ko talaga akalain na ako ay isa sa mga nanalo kahit sobrang simple ko lang noon at nanalo din ang kapareha kong si Aries.Sa loob ng 15 taong nabubuhay ako dito sa mundo ay naranasan ko ang maging masaya,malungkot,higit sa lahat natutunan ko kung paano makisalamuha,magmahal at mahalin ng iba.